Rûsiyeh bir âsıyım gufrâna geldim yâ Gafûr
Hân-ı lûtfundan bana ihsâna geldim yâ Gafûr

Müjde-i “Lâ taknatû” verdi beşaret gönlüme
Rahmetin ümmid edip derbâna geldim yâ Gafûr

Ey Hakîm-i “lem yezel” sensin muinü’l-âcizîn
Âcizim dil-hastayım dermâna geldim yâ Gafûr

Fikr edip ahvâlımı feryâd u efgan eylerim

Lûtf edip şad et beni efgâna geldim yâ Gafûr

Afv kıl Rûz-i cezâda Şevket-i bî-çâreni
Dûzah-i hicranda ben sûzâna geldim yâ Gafûr