Dilhûn gözüm aşk ile gamhâr-ı Hüseynim
Her şam u seher vâlih-i didâr-ı Hüseynim

Yandırdı beni neyyire-i âteş-i hicran Bu âteş-i can-sûz ile pür-nâr-ı Hüseynim

Zehrâbe-i hûn nûş ederim câm-ı Hüseynden
Hem bende-i Zehra ve Ali yâr-ı Hüseynim

Efgana gelir tûtî-i can ten kafesinden
Müştak-ı leb-i lâ’l-ı şeker-bâr-ı Hüseynim

Ey bâd-ı saba varır isen semt-ı Irak’a
Arz et ana ahvalımı kimzâr-ı Hüseynim

Bir bûy-ı revan-bahş getir hâk-i derinden
Bahş eyle şifâ derdime bîmâr-ı Hüseynim

Olmakda revan hûn-ı ciger dîdelerimden
Can bezl ederim tâlib-i etvâr-ı Hüseynim

Şevket olurum bu gam u mihnetle perişan
Mâtem-zedeyim hemdem-i gam-hâr-ı Hüseynim