Kaşunla kirpigün zülfün karadur
Te ‘âla’llâh ne sûretler yaradur

Belâdur ‘aynun ammâ hâcıbelerün
Belâ üstinde bir ayruh belâdur

Beyân eyler hat-u hâlün yüzünde
Kim anun nakşını yazan Hudâdur

Kelâmu’llâh ile Seb‘a’l-mesânî
Eger yüzün disem bi’llâh revâdur

Menüm dünyâda vü ‘ukbâda sensen
İlâhım kıblem uş yüzüm sanadur

Sana kimdür diyen kim Hak degülsen
Seni Hak bilmeyen Hakdan cüdâdur

Mana zâhid didi kim sevme hûbı
Hatadur zâhidün fikri hatâdur

Delîl oldı hatun “ tâ hâ” “sı halka
Ki “ Errahmân alâ’l arşistevâ ” dur

Bu esrârı ne bilsün şol’azâzîl
Kim anun ta’atı zerk u riyâdur

Gel ey sûfî safânun sâfını iç
Ki sâfî içenün içi safâdur

Otuz iki hatundur şol ‘âlem kim
“ Lehü mâ fis’ semâvâti’l üla” dur

Nesîmî çünki Hakk’a vâsıl oldu
Hüvel bâki hüvallahu’l bekâ