Kılma bizi yâ Râb dil-âgâhımdan ayru
İtme saf-ı ashâb-ı Hudâ-hâhımdan ayru

Şeh-râh-ı muhabbetden ırağ eyleme her dem
Seyr itmeyelim bir kadem ol râhdan ayru

Kılma beni rüsvâ der-i ağyâra düşürme
İtme ben muhtâcını keremgâhımdan ayru

Hûblâra nazar eylemezem çünki gözüm
Sensin ki bakar mihre olur mâhımdan ayru

El-minnetü lillâh ki merdân-ı Hudâ’yız
Zîrâ değiliz bir nefes Allah’dan ayru

Na’leyn-i dilârâsı ki tâ tâc-ı serimdir
Bir dem değilim hizmet-i ol şâhdan ayru

Nâle-i mihr içreyem ey Mîr Nigârî
‘Aynım değil ol mâh nazar-gâhımdan ayru