Abdullah Tamamlar-Vaktidir

Hâb-ı gaflet nice bir bîdâr olmak vaktidir
Her seher bülbül gibi pür-zâr olmak vaktidir

Geçmeden bu rûzgâr evvel bahâr-ı ‘ömrü gör
Bir gül-i bî-hâr için gam-hâr olmak vaktidir

Her zamân eyyâm-ı dehr olmaz müsâid âdeme
Gafleti ko işbugün huşyâr olmak vaktidir

Tâ-be-key zühd ü riyâ var olmagıl Hakk’dan cüdâ
Derd ile bir ‘âşık-ı dîdâr olmak vaktidir

Hakkıyâ tûtî-i cân pervâz ider bir gün sakın
Söyle ‘irfândan ki pür-güftâr olmak vaktidir