Abdullah Tamamlar-Geçdik

Bizi zanneyleme sâkî mey u peymâneden geçdik
Hevâ-yi la’l-i nâbınla der-i meyhâneden geçdik

O denlü sîne-çâkiz zülfüne dil-bend olaldan kim
Olup mânend-i şâne çâk çâk-i şâneden geçdik

Mey u mahbûb kaydından geçem dirken bi-hamdillah
Mey u mahbûba vakf itdik dil-i dîvâneden geçdik

Bihişt içre bulur âdem olan dâne dimiş vâ’iz
Kanı ol âdemiyyet biz bihişt u dâneden geçdik

Geçem bîgâneden dirken elimden gitdi cânâne
Olup bîgâneler bîgânesi cânâneden geçdik

Makâm-ı kurba geçdik çok menâzil gördük âhir Şems
Yine evvelki menzil içreyiz âyâ neden geçdik