Abdullah Tamamlar-Kasrı İrfana Bugün

Kasr-ı ‘irfâna bugün girmeğe insân ister
Belî insân dimeğe kişide ‘irfân ister

‘Âlem-i terke düşüp fâriğ u âzâdeliğe
İbni Edhem gibi ‘aşk iline sultân ister

Zâhidâ kalbini sâf eyle koyup inkârı
Cennet-i ‘aşka duhûl itmeğe îmân ister

Böyledir tâ ezelî kısmet-i Mevlâ halka
Kimi gılmânı diler kimisi Rahmân ister

Mis-i hâlin zer-i hâlis gibi olmak Hakkı
Nazar-ı ehl-i nazar himmet-i pîrân ister