İlahi sözleri ile dolu sitemize hoşgeldiniz...
0

Tekkelam Musiki Topluluğu-Derdi Firaka Düşdü

Derd-i firâka düşdi cân âh u figân içindedür
Sen bu ‘azâb u âteşi gör ki bu cân içindedür

Şevka bırakma gönlümi çün sana rûşen oldı kim
Bunca ğamunla hüzn ile derd-i nihân içindedür

Vasl-ı ruhundan özge men kevn ü mekâna bakmazam
Gerçi huceste vuslatun kevn ü mekân içindedür

‘Aynum içinde kâmetün sidresi mesken eyledi
Sidre hem anda yaraşur âb-ı revân içindedür

Çarha çıkardı âhumı cânumı yandurur ğamun
Gör neçe nâr imiş ğamun kim bu dühân içindedür

Yârumı menden ayıran hâceti hâsıl olmasun
Assı sanan bu işi gör kim ne ziyân içindedür

Hâlumi sensüz iy sanem bilmez isen gel uşta gör
Gönlüme bak vü bağrumı gör ki ne kan içindedür

Vasl-ı ruhun bahâsına virsem eğer ucuz ola
Cânu cihân u her ne kim iki cihân içindedür

Silsilesinde zülfinün cân vatan eyledi anun
Yâ‘nî ki cânumun yeri sahn-ı cinân içindedür

Oldı Nesîmî ey kamer hüsnüne fitne neylerem
Fitne-i âhıru’z-zemân çün bu zemân içindedür

  • Tekkelam Musiki Topluluğu
  • 21 Kasım 2026 tarihinde eklendi.
  • tarafından eklendi.
  • Tekkelam Musiki Topluluğu-Derdi Firaka Düşdü için yorumlar kapalı
  • 7 kez görüntülendi

Yorumlar

Henüz yorum yapılmamış.