Âsitân-ı ‘aşkı bekle feth-i bâb olsun sana
Gözle dîdâr-ı murâdı terk idüp sayt u sadâ

Dest-res bulmazsan ey dil dâmen-i maksûda ger
Şâh isen de senden a’lâdır cihânda bir gedâ

Bakma tâk u tumturâk-ı gâfilân-ı dehre sen
İster isen kabrin ola ‘âkıbet cennet-serâ

Bâtıl u bîhûdeden gûş-i dil ü dîden sakın
Sırr-ı Kur`ân’ı bilüp tâ göresin nûr-ı Hudâ

Enbiyâ vü evliyâ isrine gitmekdir murâd
Kim anınla menzil-i vasla irersin sâlikâ

Zâhir ü bâtın yürü ey Hakkı vîrân ol hemân
Her tarafdan tâ tecellî ide nûr-ı Kibriyâ