Bârekellâh gülistân-ı bülbülândır Aspozi,
Cenneti tezkir eder âli mekândır Aspozi.
Mu’tedil âb-ü hevâ hem müctemi’ envâ-i zevk,
Mecma-i bezm -i safâ -i ârifândır Aspozi.
Âb-ı hayvânı beğenmez hasletindendir Mesih,
Aktığınca sanki bir rûh-i revândır Aspozi.
Câme-i hadrâsın eyyâm-ı rebi’de kim giyer,
Şüphesiz menzil-i ehi Hızr-ı zamândır Aspozi.
Her taraf pür meyve-i şiirin leb-i dilber misâl,
Yeşil atlasla donanmış nev civândır Aspozi.
Bî midâd elması üzre nakş olur ebyât-ı sürh,
Lâ cerem sun-u Hüdâ’yâ bir beyândır Aspozi.
Ol sebebden ehli pür akl-ü zekâ vü ma’rifet,
Mahzen-i ehl-i ulûm-u kâmilândır Aspozi.
“Cennet-i min tahti-hel enkâr-ı tecrî “ dense hûb,
“Hâzihi cennât-i adn-in “den nişândır Aspozi.
Ey Niyâzî ger dokunmasaydı hiç bâd-ı fenâ,
Kim demezdi ana firdevs-i cinândır Aspozi.