Bezm-i aşk içre sirişkimdir şarâb-i lâle-gûn
Kıldı gam kaddim büküp cam-i şarâbım ser-nigûn
Her taraf pür hûn eliflerdir çekilmiş göğsüme
Ya hevâdan mevc urur bağrımdaki deryâ-yi hûn
Artırır eyyâm-i hicrânın sirişkim hiddetin
Müddet-i eyyâm mey keyfiyyetin eyler füzûn
Mesken etmiş yâr mâr-i zülfü çeşmim rahnesin
Pend vermen kim anı andan çıkarmaz bin füsûn
Kat’-i ülfet gâliba düşvardır kim eylemiş
Nakş-i Şîrin ile Ferhâd mukayyed Bî-sütun
Rişte-i cân eyledim peyvend târ-i zülfüne
Âh kim çekmekde imdâd eylemez baht-i zebûn
Ey Fuzûlî ben melâmet gevherinin genciyim
Ejderhâdır kim yatar çevremde zencîr-i cünûn

Fuzuli