Eli yahşi vü kendini yaman bil
Kimi görsen anı kutb-ı cihân bil

Hemîn eyle hazer kibr ü gurûrdan
Gönül alçaklığı büyük emân bil

Sakın İblîs gibi müstekbir olma
Olur merdûd ben a’lâyım diyen bil

Dahi bu cîfe-i murdârı sevme
Batar yere anı dirüp seven bil

Kifâf mikdârı rızka it kanâ’at
İden dünyâyı terk göğe ağan bil

Anın çokluğudur Fir’avn’ı âhir
İdüp ıt’â dahi muğrak kılan bil

Muhabbet itme Kuddûsî ana hîç
Hudâ’nın dostu dünyâ sevmeyen bil