Bu cism evine tâlibâ seyr iderek çün cân gelir
Bu evde bâkî sanma kim bir iki gün mihmân gelir

Vardır suâlim çün sana vergil cevâb kalma dona
Bu rûh-i kudsîyi bana degil ki sen kandan gelir

Çün hâkden eyler sefer ma’den nebât olur şecer
Rûşen görür ehl-i nazar kul töme-yi hayvân gelir

Çün töme-yi havyân olur o da ki ins ü cân olur
İnsan vâsıl olmağa bî-dest ü pâ perrân gelir

Bî-ihtiyâr ü bî-edad gelir gider kim vasl ola
Tâ vasl olana âdeme cândan gider cândan gelir

Çün âdeme vâsıl olur maksûd ona hâsıl olur
Ol nutfeden insân olur lüle kimi kaltân gelir

Çün töme-yi insân olur insân-ı cism ü cân olur
Pes rûh-ı insanî olup çün sûret-i Rahmân gelir

Ol mushaf-ı bâ-besmele insân-ı kâmildir kim ol
Her yerde bilgil kim yakîn ol eb-i ins ü cân gelir