Budur farkı gönül mahşer gününün rûz-i hicrândan
Ki ol can dönderir cisme bu cismin ayırır cândan
Tutup râh-i adem bulmuş dehânından gönül kâmın
Bana hem cezmdir ol azm ben hem kalmazam andan
Gamım şerh etmek için isterim her gördüğüm sa’at
Tutam dâmânını değmez elim çâk-i girîbândan
Tavâf-i kûyun isterdim kılam bâr-i gam-i aşkın
Ham etti kâmetim yollar tutuldu hâr-i müjgândan
Ne hoş ülfet tutuptur nâ-tüvan cismimle can gûyâ
Sanır bir târ-i mûdur ol ser-i zülf-i perîşândan
Okun geldikçe çeşmim dökse bağrım kanın andandır
Ki bağrım kanına yer kalmadı sînemde peykândan
Sitem taşı melâmet hanceri bî-dâd şem-şîri
Fuzûlî her cefa kim gelse hoşdur câna cânandan

Fuzuli