Cân olgıl cân içinde kalma gümân içinde
İstediğin bulasın yakın zamân içinde

Rükû’ sücûda kalma ‘ameline dayanma
‘İlm ü ‘amel gark olur nâz u niyâz içinde

İkiliği terk itgil birlik makâmın tutgıl
Cânlar cânın bulasın iş bu dirlik içinde

Oruç namaz zekât hac cürm ü cinâyet durur
Fakîr bundan âzâddır hâss-ı havâss içinde

Şerî’at korucudur hakîkat ordusunda
Senin içün korunur hâsıl ordu içinde

Cânlar cânın bulasın sen dahi cân olasın
‘Aşk ile teferrücün ola dîdâr içinde

‘Ayne’l-yakîn görüpdür Yûnus mecnûn olupdur
Bir ile bir olupdur hakka’l-yakîn içinde