Can verir âşık bu yolda kasd-ı canan eylemez
Küfr ile kılmaz adavet meyl-i iman eylemez
****
Dünya ahret küfr ü iman nisbeti yok aşıkın
Korhu duzehden ümidi hur ü cinan eylemez
****
Yaz u kış u leyl ü nehar cümle bahar olur ana
Her çiçek gül yok diken azm-i gülistan eylemez
****
Mescidi büthaneden fark eylemez âşık olan
Kande olsa Dost iledir vasl-ı hicran eylemez
****
Baktığı yerde görür Dost yüzünü bi levn ü renk
İlla bu sırra melek mahrem ye insan eylemez
****
Binişan olur nişanın kimse bilmez aşıkın
Niteliği hiç belirmez reng ü elvan eylemez
****
Şems olur zerre iken hem katreyken derya olur
Cuş eder taşra atar ol dürri pinhan eylemez
****
Tut dilin söyleme Eşrefoğlu Rumi kıl sükût
Arifin sözlerini çün fehm-i nadan eylemez

Eşrefoğlu Rumi