Abdullah Tamamlar-Cana Can Olmak Dilersen

Câna cân olmak dilersen cânân dile bu dârda sen
Vâra vâr olmak dilersen vârın dile bu dârda sen

Ey nefs-i bed ey nefs-i bed git ortadan olmaya sed
Bu yokluğu varlığa kat var olabil bu vârda sen

Geç bu fânî gülzârı ko verd-i derdden bulagör bû
Sevdâyı gel yârı hârı ko sen bûy-i gül bul hârda sen

Merdâne gir meydâne sen ‘aşk ile yâne yâne sen
Hamr-ı ‘aşkı iç kan sen Mansûr’u gördün dârda sen

Gördün varlıkda dürr-i fenâ sen ol fenâda bul bekâ
Tut sen fenâ-ender-fenâ kendin dile her vârda sen

“Mûtû kable en temûtû” remzi fenâdır heme bu
Sen bu rumûzu kıl tapu maksûda ir bu kârda sen

Ol dem fenâ içre fenâ buldum bekâ içre bekâ
Cem’ ile fark kârdır bana sen ir bana her yârda sen

Şekk bunda yok ilhâm-ı Hakk ender-fenâda tâm Hakk
Esrâr-ı yâr ilhâm-ı hak ol Ünsî gül ol hârda sen