Cânı terk itmek gerek bu evde cânân isteyen
Kahrı nûş itmek gerek derdine dermân isteyen

Ma’şûkun yolında âşık nâ-murâd olmak gerek
Ma’şûka vasl olmaya hicrinde pâyân isteyen

Ben ki ma’şûkun rızâsın isteyen buldum bu gün
Sâdıkü’l-kavl olmaya küfrine îmân isteyen

Ben bu sûret mülkünü kıldum harâb anın’çün
Genci buldısa aceb olmaya vîrân isteyen

Şems firâkı ağusın nûş eyle vasl-ı yâr içün
Hâr cevrini çeker şol gül-i handân isteyen