Aç gözün ey müddeî tevhîd-i zikrullah ile
Uyma Hakk’ı setr iden ebnâ-yı dünyâ câhile
Yâd idüp ‘ahd-i kadîmi ol ezelullah ile
Cânını eyle muziyyâ şems-i illallah ile

Gir şefâ’at ıssı Ahmed şer’ine kıl iktidâ
Sünnetine kıl ri’âyet olagör ehl-i hüdâ
Böyle irmişler Hakk’a ehl-i sülûk-i muktedâ
Cânının eyle muziyyâ şems-i illallah ile

Al sebak ‘ilm-i ledünden nükte-i ‘irfân ile
Anla zâtıyla sıfatı vir cevâb iz’ân ile
Kalbine irsün tecellî ser-te-ser vicdân ile
Cânının eyle muziyyâ şems-i illallah ile

Okuyup ‘ilm-i ledünnî al Raûfî’den sebak
Bildire nûr-ı hakîkat bulasın eltâf-ı Hakkaķ
Mushaf-ı tekvîni fehm it ahsen-i takvîme bak
Cânının eyle muziyyâ şems-i illallah ile