Cihân içre beğim câm-ı tecerrüd nûş iden âdem
Ne âdem sohbetin ister ne ‘âlemde dil-i ‘âlem

Fenâ hâkinde pâmâl olmayınca tâlib-i Mevlâ
Ne iksîre olur vâsıl ne derdine bulur merhem

Şular kim tıfl-veş gehvâre-i râhatdadır dâim
‘Aceb mi nutk-i ma’nâdan olurlarsa bugün ebkem

Cefâ-yı ‘aşkı hoş gör ger vefâ istersen Allah’dan
Anın nâzına sen yüz bin niyâz it gice gündüz hem

Kul olmak yeğ durur Hakkı cihânın pâdişahından
Nedir Cem kim anın câmına âdem baş eğer bir dem