Çihre-i zerdimde gör hem-dem sirişk-i âlimi
Ol gül-i ra’nâya bu reng ile bildir hâlimi
Tâ ki servim basa başım üzre gâhi bir kadem
Ey musavvir reh-güzârı üzre çek timsâlimi
Ey felek yoktur pelâs-i fakrdan ârım benim
Atlasından bilmişim üstün muhakkar şâlimi
Ey hoş ol kim aşk harfin bir dahi tekrâr edem
Haşr divânında görgeç name-i a’mâlimi
Hiç kim yoturki alemden şikâyet eylemez
Şükr kim arz eyleyen çoktur sana ahvâlimi
Niyyetim olurki ruhsârın görüp canım verem
Mushaf-i ruhsar ile kılgıl mübârek fâlimi
Subh u şan ol kıble-i ebru mukabildir bana
Ey Fuzuli Tanrı gözden saklasın ikbâlimi

Fuzuli