Cümle eşyâ zikr idüp dir her nefes her ân Hû
Sıdk ile Allahu Rabbî ez dil ü ez cân Hû

Şol zemîn-i âsmâna sığmadı sırr-ı Hudâ
Oldu bil insân-ı kâmil kalbine mihmân Hû

Bu vücûd iklîminin tedbîrin eyler dem-be-dem
On sekiz bin ‘âleme oldu ‘aceb sultân Hû

Nefh-i rûh itdikde zinde oldu çün cism-i cân
Kendini ol cân yüzünden eyledi cânân Hû

Dîni ‘âşıkdan suâl eylersen ey Hakkı eğer
Anda gayrı dîn olmaz dîn Hû îmân Hû