Derd elinden dâde geldim rahm ide cânân bize
Nîm-nazarla lutf idüp de bakmadı Lokmân bize

Gül-gülistân-ı melâhatde ider zevk u safâ
Arz-ı hâlimiz okumaz istemez imkân bize

Böyle bir cânsûz ciğer-dûz tîrine oldum hedef
Kûşe-i tıbhânesinde kaldı bir efgân bize

Ne kadar yandım yakıldım merhamet göstermedi
Korkaram âhir içirir bu şerâb-ı kan bize

Böyle nâz satmak niyaz-mendâne kimse görmemiş
Kâse kâse zehri sundu âfet-i devrân bize

Bu cefâ-cû rahm idüp bir dem meded-res olmadı
Cângâhıma âteş oldu dîde-i fettân bize

Lutfiyâ var mı eman-gâh gayrı bir dergâhda
Derdimiz teşhîs iderek eyleye dermân bize