Derdini Lokmân’a demez derd nedir merdân olan
Râzını dostâna demez vâkıf-ı pinhân olan
Söyleyenden dinleyen ârif gerektir dediler
Yarın anlar Yûsufi hem sâhibi iz’ân olan

Kâle girmez bil hakîkat hep işârâttır mecâz
İntikâl eder hemân dem mâlik-i ezhân olan
Bî hurûf-i savt-u surettir hakîkat dersleri
Noktadan mânayı anlar kâbili ferzân olan

Canda sırdır emri Hakk vassâf değil lâf-u güzâf
Kâşifâne seyreder kim vâkıf-ı irfân olan
Bâb-ı ahfâdan içeri Hakkîyâ esrâr-ı Hakk
Bu yere vâsıldır ancak âşık-u hayrân olan