Dergehinde bir yüzü kâre kulum ben Yâ Ehad
Rahmetin sâillerindenem beni gel itme red

Kalmışam râh-ı mezellet içre çün tenhâ garîb
Destgîr ol al elim kaldır bana eyle meded

Kâşif-i gaybsın ne hâcet hâlimi takrîr idem
Kâle gelmez cürm ü ‘isyânım efendim bî-‘aded

Bendeni nâr-ı celâlin havfı mahv eylerdi lîk
Hamdülillah fazl u lutfun itmişem ammâ sened

Bu Sezâyî bendenin ey pâdişâh-ı bî-nazîr
Varlığın mahv eyle tâ kim olmaya ol hod-pesend