Dîde-i gam-dîdeyi bu hâb-ı gafletden uyar
Zâhir ola her nefesde ‘aynına tâ ‘ayn-ı yâr

Vuslatın gülzârına cân bülbülü eyler figân
Ol gül-i sadberg içündür dâimâ zâr-ı hezâr

İrmeğe şem’-i cemâli bezminin envârına
Perr ü bâli eyle sûzân ey gönül pervâne-vâr

‘Ayn olursa ‘ayn-ı ‘âlem ‘ayn-ı ‘uşşâka n’ola
Vech-i ma’şûk eyledi çün câna sırrın âşikâr

Âşiyân-ı kudse pervâz eylesün şehbâz-ı dil
Lâ-mekân milki hümâsın kılmaġa her dem şikâr

Kıl ‘inâyet levh-i dilden hakk ola resm-i sivâ
Vir Habîbin hürmetine bezm-i vasla iktidâr

Cürm ile taksîrine kılma Fenâyî’nin nazar
Feyz-i zâtından ana eyle ‘atânı bî-şümâr