Ebed sanma mülk-i cihânı sakın
Değildir cihân câvidânî sakın

İrişir ecel peyki bir gün sana
Göz açınca virmez amânı sakın

Ne işlerse insan eğer hayr u şer
Beğim var-durur dîde-bânı sakın

Emânet durur sende dil gevheri
Hıyânet eyleme anı ana sakın

Vücûdun reh-i Hakk’a sarf idegör
Sakın nakd-i cism ile cânı sakın

Yürü Hakkı ıtlâka bas ayağın
Put itme zamânı mekânı sakın