Eğer kıldınsa zâtında Hudâ zikrin ‘asâ Gurbî
‘Adû-yı nefsine olur o çün bir ejdehâ Gurbî

Dilersen olmağa vâsıl kamu matlûb u maksûda
Rızâ-yı râh-ı Mevlâ’da serin eyle fidâ Gurbî

Gönül mahbûbun istersen sana yüz göstere dâim
Tazarrû’ u niyâz ile gönülden kıl nidâ Gurbî

İde dirsen şefâ’at ger sana ol rûz-i mahşerde
Hakîkat sünnetin tut kim Muhammed Mustafâ Gurbî

Tarîkin gözle Zülfikâr ol umarsan içmeğe Kevser
Suna cennetde bî-şübhe ‘Aliyye’l- Murtazâ Gurbî