Ehl-i inkâr meclisinde okuman esrârımı
Câhil ü nâdân içün harc eylemen güftârımı

Münkiri fehm eyleyüp ‘ilm-i kıyâfet ehl’olun
Bî-hayâdan saklanız zâtımdaki bâzârımı

Lâm-Elif “lâ raybe” hakkı bu hidâyet cânıdır
Müttakîler duymasın fâş eylemen dîzârımı

Cân içinde siz anı eylen nihân etmen ‘ayân
Ol Muhammed Mustafâ vechindeki envârımı

Gaflet itmen ‘ârif olun Vâhib’e itmen gümân
Cân içinde fehm idin ma’mûr iden mi’mârımı