Eser koyam deyü âsâr-ı mevti terk itme
Mısır’da bânî-i ehrâm kanı ya Şeddâd

Bu batn-ı mâder-i dünyâda gel sa’îd olagör
Çü âhiretde doğasın nasîb ola is’âd

Niyâmdır çü cihân halkı bu şeb-i gamda
Hemîşe vâkı’adır gördüğü rızâ vü ‘inâd

Çü rûz-ı vâkı’a uyana hâb-ı gafletden
Mu’abbir-i ebede ‘arz ide anı emcâd

Ne gördü ise bu hâb içre bula anda cezâ
Ki fadl u ‘adl ile Muhyî ire salâh ü fesâd