Esîr-i zülf-i perîşânın itmez istihlâs
Gelir mi hâtır-ı hoşnûd-hâle fikr-i halâs

Revâne pîrehen-i ten dahi olur zindân
Olursa zerre kadar dilde mâni’-i ihlâs

Harâb-ı câm-ı pey-ender-pey olmaz idi hıred
Bulaydı kendüye gamdan cihân içinde menâs

Harîm-i dil k’ola endîşeden be-külli pâk
Olur ‘arâyiş-i esrâr-ı kâre hacle-i hâs

Neheng-i gayrete yek-lokmadır ‘ukûl ü nüfûs
Gönül gerek dürr-i yektâ-yı ‘ibrete gavvâs

Hevâ-yı ‘aşka göre kûçek ü büzürk olmaz
Ki devr ü çarh ider zevk-ı vecd ile rakkâs