Abdullah Tamamlar-Eylemedim Dir

Bîçâre gönül hâsıl-ı câh eylemedim dir
Tahsîl-i rızâ-yı dil-i şâh eylemedim dir

Derdâ ki niçün durmadım ol yâr eşiğinde
Serv-i keremin âh penâh eylemedim dir

Heyhât ne ‘aceb hâl-i dilârâsını yârin
Manzûr kılup rûyi siyâh eylemedim dir

Hayfâ ki peyini tutmadım ol mihr-‘izârın
Ser menzilimi hâle-i mâh eylemedim dir

Cürm ile seher ü şâmı geçer nefs-i habîsin
‘Ömrümde bir zerre günah eylemedim dir

Nezzâre-i ruhsâr ile kan akdı gözümden
Bir kerre dahi âh-ı nigâh eylemedim dir

Feryâd ile oynar dil-i Ferhad-ı şîrin-kâr
Müştâk-ı figândır yine âh eylemedim dir

Yakdı kamu berbâd eyledi koymadı vârım
Dilber hele bir zerre tebah eylemedim dir

Cân çıkdı talebde yine Ey Mîr Nigârî
Kurbiyyet-i dergâh-ı İlâh eylemedim dir