Ben sevdiğim nigârı n’idem ol benden fâriğ
Ne virüp hoş görünem iki cihânda fâriğ

Kimden kime varayın ahvâlim söylemeğe
Sözüm kime diyeyin sözden lisândan fâriğ

Cihânda kim giriser bu işin arasına
Yâ kim hükm idebile sultân u hândan fâriğ

Gerek müsülmân olam bin yıl ‘ibâdet kılam
Gerekse kâfir olam küfr ü îmândan fâriğ

Gerekse ehl-i millet farîzasın bekleyem
Gerekse şöhret kovam şöhret ü dînden fâriğ

Gerekse ‘ilm-i dînde yüz bin kez minber depem
Gerekse şirk besleyem şirk ü gümândan fâriğ

Nice ticâret ile mekseb gösterem ana
Şöyle tüvângerdür ol assı ziyândan fâriğ

Niçesi kulluk ile sevibilem ben ana
Hâss u ‘âmm anı sever cümle sevenden fâriğ

Anun gibi ma’şûka kim gönül virdi ise
Bî-‘aded tertîb gerek ol andan bundan fâriğ

Yûnus sen sever’isen hakîkat ma’şûkayı
Dervîşlik ile kül ol kevn ü mekândan fâriğ