Günahkârâne çün büyük emân imiş bu istiğfar
Recâ it mağfiret Hakk’dan gafûrdur ol dahi Gaffâr

Hazer eyle riyâdan gizli şirkdir çün işit pendi
Namâza ihtimâm it kıl cemâ’at ile sen her bâr

Mecâlis olma asla bî-namâz dervîşler ile hem
Susuzlukdan ölür ise dahi su virmegil zinhâr

Dahi bir lokma etmek virme sakın tut sözümü çün
Ana yardım iden zîrâ olısar bil ki ehl-i nâr

Sülûkün şartı hem ‘ilm ü ‘ameldir dinle Kuddûsî
Ki ‘amel olmayan dervîşde zann itme ki îmân var