0
Abdullah Tamamlar-Hakk Kapusunda Sailem
Hakk kapusunda sâilem tarz-ı suâli bilmezem
Kıyl ile kâl kârım hemân ‘aşk ile hâli bilmezem
Niçün ‘aceb virmez benim matlûbumu Perverdigâr
Sordum hakîmden hikmetin didi muhâli bilmezem
Yalvarmışam bîçûn muhâldir sırrını söyle deyü
Didi cevâbında bana kim kıyl ü kâli bilmezem
Çün tatmayan bilmez imiş bal lezzetin dimek ile
İnkâr ider görse dahi dir ben o balı bilmezem
‘Aşk hamrını nûş itmeyen münkir olur ‘âşıklara
Dir hak durur şer’-i şerîf ‘aşk u dalâli bilmezem
‘Aşksız fakîhin matlab-ı a’lâsıdır cennet hemîn
Dir pes lisân-ı hâl ile kadr-i cemâli bilmezem
Kuddûsîyâ kesme Hudâ’nın vuslatından ümîdi
Gitme kapusundan deyüp semt-i visâli bilmezem

Yorumlar
Henüz yorum yapılmamış.