Hamd-i bî-had dem-be-dem ol mübdî-i eşyâye kim
Hilkat-i imkân vücub-i zâtını îcâb eder
Geh sevâd-i gird-bâd-ı kahrı hâk-i tîreyi
Tûtiyâ-yi dide-i hur-şîd-i âlem-tâb eder
Geh nüzûl-i katre-i bârâni ebr-i rahmeti
Yer yüzünde sebze-i pejmürdeyi sîrâb eder
Meyde muzmer eyleyip keyfiyyet-i tağyîr-i hâl
Sîm-berler zülfünü can kaydına kullâb eder
Câne hem elbette andandır bu isti’dâd kim
Rağbet-i mahbûb ü beydâ-yi şarâb-i nâb eder
Ola kim makbûl ede özr ü günâhım çün bilir
Kim amel teklifîni cem’iyyet-i esbâb eder

Fuzuli