Hamdülillah gam-ı sevdâ-yı sivâdan ‘uryânım
Ne vücûdum vâr elimde ne ana fermânım

İrdi râhım meded-i Hakk ile câ-yı ‘ademe
Ne terakkî ne tenezzül ne zû-yi elvânım

İşbu gün içre benim kânımı ağyâr göremez
Lâ-mekân milkine irmiş kademi bir kânım

Yıkarak milk-i vücûdum o hakîkî üstâd
Komadı bende eserden ebedî vîrânım

Benim ol yâr ile bir gizli ‘alâkam vardır
Ki anın kâl ile vasfın dimede hayrânım

Çekerek derdini ol yâr-i kadîmin irdim
Şuna kim ben kamu derde düşene dermânım

Gerçi Bîçâre didiler bana bu ‘âlemde
Velî bir ‘âleme vardım ki ana sultânım