Hudâvendâ kulun emrine fermân
Zîrâ sensin benim derdime dermân

Senin işlerine kimse karışmaz
‘Âlimler cümlesi yolunda hayrân

Bezedi yer yüzün rahmet nûruyla
Yaratdın gökleri bûy ire sayvân

Ebedsin senden ayruğu fenâdır
Kanı yel götüren taht-ı Süleymân

Kanı Hüsrev kanı Şîrin-i Ferhad
Kanı ol Calinus hakîm-i Lokmân

Bular geçdi belirmedi nişânı
Çürüdü tenleri cânları pinhân