İbtidâ ol zât-ı Hallâk-ı cihân
Bâsıt-ı arz râfi’-i heft-âsümân

Aldı dest-i kudrete bir kabza nûr
Ol Muhammed dedi oldu bâ-sürûr

Çünkü Hakk ol nûra böyle söyledi
Ol dahi secde edüp hamd eyledi

Der-‘akab Hakk kıldı ol nûra hitâb
Senden alır nûru şems ü mâhitâb

Ben seni bunun için halk eyledim
Medhini yüz dört kitâbda söyledim

Mebde’ oldu cümle envâra bu nûr
Tâ ki etdi Hazret-i Âdem zuhûr