İrişse müjdeler ol yâr elinden
Dil ü cân kurtulur ağyâr elinden

Gam u gussa zevâlin bulur âhir
İçilse bâdeler hünkâr elinden

Yanar evsâf-ı dil ‘aşk âteşinde
Tutar nûr-ı Hudâ her bâr elinden

Beğim terk eyle bu dâr u diyârı
Bu lutf u kahrı bil Deyyâr elinden

Harâb oldunsa her yüzden serâpâ
Neler ma’mûr olur mi’mâr elinden

Gedâ vü şâh muhtâc-ı Hudâ’dır
Umarlar Hakkıyâ Gaffâr elinden