Kaçan kim kâmetinden ayrı seyr-i bû-sitân ettim
Koparıp eşk seyl-âbıyle ben servi revân ettim
Götürdüm gird-bâd-i âh ile hur-şide tapşırdım
Gubâr-i reh-güzârın cevherin gözden nihân ettim
Nişân-i sûret-i hûbun verip bütler sücudunda
Fesâd-i i’tikâdın kâfirin hâtır-nişân ettim
Olup ser-mest kıldım neş’e-i zevk-i lebin zikrin
Meye râgıp olanlar küfrünü halka ayân ettim
Görüp dîvârlarda Kûh-ken nakşın demen âşık
Benim Âşık ki tuttum deşt terk-i hân-ü-mân ettim
Reh-i aşkında ol gül-ruh ciğer kan ettiğim bilmiş
Çeker her dem bana tiğ-i siyâset san ki kan ettim
Fuzûlî şâh-bâz-i evc-i istiğna iken bilmen
Ne sehv ettim ki bu vîrâne deyri âşyân ettim

Fuzuli