Kalbini tâhir itmezsen tahâretin yokdur senin
Hayrın şerrin bilmez isen ferâsetin yokdur senin

Bin söylesem işitmezsin asamm olmuş sem’in senin
Vatanını yoklamazsın ticâretin yokdur senin

Yedi batın içeriden söyler isem anlamazsın
Ahde vefâ eylemezsen ziyâretin yokdur senin

Dört kitâbın içindeki ma’ârifdir söylediğim
‘Aşk şerbetin içemezsen harâretin yokdur senin

Vâhib Ümmî bilir seni sâfî hemân zühd ehlisin
Cezbe kılup eylemeğe nezâretin yokdur senin