Kavl ü fi’linde gerekdir ihtiyât
Nâ-sezâlar ile itme ihtilât

Derd-i Hakk ile derûnun münkesir
Ola dâim halk ile itme neşât

Salma gezdirme hevâ-yı nefsini
Pîre kullukda gerekdir irtibât

Şems-i zâta vâsıta mir’ât-ı pîr
Feyz-i Hakk’a râbıtadır iştirât

Râh-ı Hakk’da i’tidâl emrin gözet
Müstakîm olur ‘adâletle sırât

Zâhib olma gel tarîk-ı vüs’ate
Menfezin tâ olmaya semmü’l-hıyât

Nâr-ı firkatle Salâhî dil-kebâb
Ol ire Hakk’dan şerâb-ı inbisât