Kılmagıl muhkem gönül dünyâya akd-i irtibât
Sen bir âvâre misâfirsin bu bir vîrân rıbât
Bu çemende gonceler güller gören ârif bilir
Kim sebât üstünde kalmaz hiç kabz ü inbisât
Ehl-i irfândır cihan keyfiyetin tahkîk eden
Kim neşâtından bulur yüz gam gamından yüz neşât
Aşk devrânı bana tapşırdı Mecnun nevbetin
Hâli olmaz nakş-i erbâb-i vefâdan bu bisât
Her yeten meh-rûya sarf etme Fuzûlî ömrünü
Bî-vefâlardan hazer kıl tut tarîk-i ihtiyât

Fuzuli