Kim ki candan geçmez ise deyin bize yâr olmasun,
Âr-u ırz ile gelüp âşıklara bâr olmasun.
Gam yükün âşık olan dâim çeke gelmiş dürür,
Doymayın dost derdine aşka giriftâr olmasun.
Derd uyumaz rahat etmez gece gündüz âşıkı,
Şol ki bülbüldür güle karşı nice zâr olmasun.
Zevk-i tâatle kimesne hâl-i aşkı anlamaz,
Tâlib-i sâdık isen belinde zünnâr olmasun.
Remz-i Hak-ka mahrem olmak değmenin kârı değil,
Kim dilerse aşk ile yâr olsun , ağyâr olmasın.
Zerrece aşk öldü kimde olsa yakar varlığın,
Aşk ödü ister ki Hak-tan gayri hiç var olmasın.
Cümle efkârın hurûfun cem edüp tevhîd ile,
Nokta-i vahdette haşr ol gayri efkâr olmasın.
Ey Niyâzî hâl-i aşkı herkese fâş eyleme,
Sırr-ı Hak-tır ana bigâne haberdâr olmasın.