Kimiyâ-ı ‘aşka mazhar olmasa ehl-i fenâ
Yüzleri hergiz sararmazdı zer-âsâ dâimâ

Dil-durur miftâh-ı Hazret ‘aşk ile hıfz it anı
Bârigâh-ı vuslata girmek dilersen ‘âşıkâ

Zevk-i zikri bulmayan âdem dimâğında lezîz
Bakmadı şol cennet-i firdevs-i ma’nâdan yana

Neylesin bu çerb ü şîrîn-i cihân-ı fânîyi
Menn ü selvâ-yı hakîkat kalbe olmuşken gıdâ

Gurbet ü firkatde kalmak şân-ı ‘âkilden değil
Var kadîmî yârın ile olagör sen âşinâ

Bir mekesdir mâsivâ ‘ankâ şikâr itmez anı
Sen de var himmet-bülend ol ‘ârif isen Hakkıyâ