Kulların yâ Rab olupdur ihtiyâc-ı rahmetin
Külli mahlûkât muhtâc-ı cenâb-ı hazretin

Tal’at-ı insânı itdin külli halkın eşrefi
Eyledin mebzûl-ı müstevfâ ‘atâ vü rahmetin

İns ü cin Bukrat u Eflâtûn u Lokmân olsa ger
Kudretin fehm eyleyüp itmez ta’akkul hikmetin

Külli halkın cümle-i ‘âlemlerin hallâkısın
Cânına minnet bilir hâlince herkes hizmetin

Ol mu’ín ismin hakkıyçün Fazlî-i zâre mu’în
Ol zamân kim ola münzel bârigâh-ı ‘izzetin