Lisânü’l-gayb olan ‘ârif sana sırrın nihân söyler
Bu esrâr-ı ilâhîyi gönülden bî-dehân söyler

Eğer ‘arş-ı tecellîden doğarsa hurşîd-i vahdet
Gönül tahtında rûh sultân olur emrin ‘ayân söyler

Görürsün dîde-i dilden bu eşyâ mir`ât-ı Hakk’dır
Bütün eşyâ olur nâtık ‘aref dersin beyân söyler

Kemâl-i kudreti seyr et güzelce asgar eşyâdan
‘Azamet-i ilâhîden kamu zerrât revân söyler

Güneşden âşikârdır sırr-ı vahdet olsa isti’dâd
Nukûşât-ı cihân Lutfî bu esrârı devân söyler