Mâcerâlar mâcerâsı bir mu’ammâdır ölüm
Sâik-i nâr-ı cahîm ya dâr-ı me’vâdır ölüm

Ten cehennemdir eğer rûh onda kaldıysa esîr
Her taraf eyler hücûm insânı ifnâdır ölüm

Her ne ekdinse onu biçersin ol olur mutlak gıdâ
Hem gıdâ ile yaşarsın şekl-i rü’yâdır ölüm

Ölmeden evvel ölen ten rûh olur rûh nûr olur
Nûr u tenden bahsedersen nâr-ı beyzâdır ölüm

Tâbi’-i nefs ü hevâ mahrûm olur her nûrdan
Bu tabî’athânede rüsvâ vü gavgâdır ölüm

İtme kendi kendini sicn-i tabî’atde helâk
Hayy u Kayyûm sırrısın emvâtı ihyâdır ölüm

Eyleme redd ü taleb oldur ‘azâb üzre ‘azâb
Tâlibe hasret nedâmetgâh-ı dünyâdır ölüm

Ya düşer rûh cisme hayvânlar içinde haşrolur
Ya çıkar a’lâya bir seyr ü temâşâdır ölüm

Hem hayâtın hem memâtın bir nefesdir ‘ârif ol
Ya bu ten toprak olur yâ seyr-i a’lâdır ölüm

Hâmil-i sırrı-ı emânet olduğun bildinse ger
Ey Kemâlî kâmile bil ‘ıyd-i adhâdır ölüm