Meyhâne-i ‘ışk sâlikâ bil hân-kâh-ı evliya
Ol ânda sakin câ-be-câ hem mest ü hayran dâ’imâ
****
Anlara her kim ki celîs olur ise olmaz hasîs
Ol zikr-i Mevlâya enîs kalbinde kalmasun sivâ
****
Bir lahza ‘arif sohbeti ‘uşşâka virir hayreti
Hem zikr ile ünsiyyeti biñ yıl ‘amel uymaz aña
****
‘Aşıklara ‘ışk cezbe hâl mahbûb-durur sûfîye kâl
Sen zikre eyle iştigâl bulsun dil ü canın safâ
****
Kuddûsîye iki cihan zînetleri ider ziyan
Ancak anı mesrur kılan leyi ü nehâr zikr-i Hudâ

Ahmed Kuddusi